Psa 24 | VulgJ | STEP | psalmus David ad te Domine levavi animam meam David ad te Domine animam meam levabo

Psalms 24

1 psalmus David ad te Domine levavi animam meam ^va 2 Deus meus in te confido non erubescam ^va 3 neque inrideant me inimici mei etenim universi qui sustinent te non confundentur ^va 4 confundantur omnes iniqua agentes supervacue vias tuas Domine demonstra mihi et semitas tuas doce me ^va 5 dirige me in veritatem tuam et doce me quoniam tu es Deus salvator meus et te sustinui tota die ^va 6 reminiscere miserationum tuarum Domine et misericordiarum tuarum quia a saeculo sunt ^va 7 delicta iuventutis meae et ignorantias meas ne memineris secundum misericordiam tuam memento mei * tu; propter bonitatem tuam Domine ^va 8 dulcis et rectus Dominus propter hoc legem dabit delinquentibus in via ^va 9 diriget mansuetos in iudicio docebit mites vias suas ^va 10 universae viae Domini misericordia et veritas requirentibus testamentum eius et testimonia eius ^va 11 propter nomen tuum Domine et propitiaberis peccato meo multum est enim ^va 12 quis est homo qui timet Dominum legem statuet ei in via quam elegit ^va 13 anima eius in bonis demorabitur et semen ipsius hereditabit terram ^va 14 firmamentum est Dominus timentibus eum et testamentum ipsius ut manifestetur illis ^va 15 oculi mei semper ad Dominum quoniam ipse evellet de laqueo pedes meos ^va 16 respice in me et miserere mei quia unicus et pauper sum ego ^va 17 tribulationes cordis mei multiplicatae sunt de necessitatibus meis erue me ^va 18 vide humilitatem meam et laborem meum et dimitte universa delicta mea ^va 19 respice inimicos meos quoniam multiplicati sunt et odio iniquo oderunt me ^va 20 custodi animam meam et erue me non erubescam quoniam speravi in te ^va 21 innocentes et recti adheserunt mihi quia sustinui te ^va 22 libera Deus Israhel ex omnibus tribulationibus suis

^va